Почетна
Традиционално, како е секоја година предпоследниот викенд во мај се реализира, патешествието “по патот на една легенда од 11-ти век”™ од Св. Гаврил Лесновски до Св. Јоаким Осоговски, во организација на основачот на трансверзалата планинарскиот водач Стојанче Величковски, и подршка на Општините Крива Паланка и Пробиштип, како и ресторан Да-бо, Ресторант Манастирски Конак, ЕЛКО ИТ СОЛУТИОНС ДОО од Крива Паланка како и бројните пријатели и вистински поддржувачи на Трансверзалата.
Годинава иако патешествието беше едно од најнапорните, по многу нешта ќе остане во сеќавање на учесниците, за првпат, направена е вистинска промоција на новоформираното планинарско друштво Плавица од Пробиштип, учесници од Скопје, Радовиш, Штип, Кратово, Крива Паланка... Воведено е ново признание кое што брендот секоја година ќе го доделува на јавни личности кои дале особен допринос во афирмација на природните реткости и културните знаменитости на Македонија, првото признание е доделено на Маестро Борис Трајанов, Трансверзалата беше отворена со специјално обраќање кое, на себе својствен начин, го изведе актерот Страшко Милошевски како специјален поздрав за учесниците, Пораката со мотото и бројната состојба е пренесена на оригинален и уникатен начин, преку гулаб писмоносец со прстен МК802518-08 сопственост на Марјан Стојановски, од друштвото на одгледувачи на расни гулаби-писмоносци Гулаб од Крива Паланка, десетте гулаби го симболизираа малиот јубилеј кога за првпат трасата беше поставена и помината во двете насоки. Гулабите патеката ја прелетаа за 93 минути.
Секој учесник доби подарок маичка со логото и мотото на Трансверзалата и подржувачот на Трансверзалата Астибо од Штип, сендивич на стартот и вечера (манастирско гравче на целта) Патеката беше покриена со две медицински екипи со теренски возила од Здравствените домови од Пробиштип и Крива Паланка. Прегазувањето преку Злетовска Река беше обезбедено со алпинистичко јаже за да не дојде до несакана повреда заради високиот водостој, Попатно принудно беа правени корекции на патеката поради високиот водостој на Кучешка Река, но сите учесници без проблеми во 20.03 пристигнаа на целта.
На целта, во Манастирскиот комплекс Св. Јоаким Осоговски, во близина на новооформениот водопад од откиените води, е засадена садница на црница (morus nigra) како симболично поврзување со шест века старата црница во дворот на Лесновскиот Манастир.
Како никогаш досега, реализацијата на трансвезалата беше медиумски покриена, па така Македонското радио реализира посебна емисија во траење од еден час, и две телефонски вклучувања од по 10 минути, додека како најава информации објавија ТВ Протел, Дневник, Информативниот портал http://krivapalanka.info, http://krivapalanka.gov.mk, додека самата реализација ја покриваа, МТВ, ДРТВ Златен Канал, Дневник и МИА, Информативниот портал http://krivapalanka.info.
Учесниците за првпат имаа можност да го пријават своето учество on-line на трансверзалата, преку http://4m.planinarenje.org.
За првпат во Македонија а по иницијатива на Горан Цветковски http://osm.vidi.mk се поставени и извесен број на геокешови по должината на патеката со кои што се воведува еден нов вид на спорт во Македонија кој што е многу атрактивен и развиен во останатиот дел од светот.
Околу педесетина учесници ништо не може да ги одврати од прифаќањето на предизвикот да се биде дел од патешествието 2010, а кога е така го прифаќате и лошото време и дождот, пропуштате некоја матурска вечер, кај роднините, ризикувате да го пропуштите преносот на финалето на купот на шампионите, за да на крај се излезе како што треба, и веќе по два дена размислувате да учествувате и наредната година.
Повеќе можете да прочитате во трансверзалниот Дневник за 2010г. на
Веб страниците http://planinarenje.org и http://4m.planinarenje.org се изработени, поддржувани и хостирани од ЕЛКО ИТ СОЛУТИОНС ДОО од Крива Паланка
Сопственик на двете страници и автор на текстовите е Стојанче Величковски од Крива Паланка
