Главните ѕвезди во мегапопуларниот турски серијал „1001 ноќ“ - Берѓузар Корел (Шехерезад) и Халит Ергенч (Онур) станаа родители на здраво машко дете.
’Шехерезад’ и ’Онур’ во нивниот реален живот го добија првото дете – малиот Али, кој се родил малку пред полноќ во истанбулската болница Аџебадем Маслак.
Раѓањето се случило по природен пат, информираа од болницата, кои дополнуваат дека бебето тежело 3,5 килограми.
Таткото присуствувал на раѓањето на синот во родилната сала и не се одвојувал од Берѓузар. Под наплив на длабоки емоции, тој и ја држел раката и и рецитирал стихови.
Мајката и бебето се со добро здравје и се очекува уште денеска да бидат испишани од болница.
Берѓузар и Халит се вљубија за време на снимањето на серијата, а љубовта ја крунисаа со свадба на Босфорот што се одржа во август минатата година.
