Снимена за 15 милиони долари, ниско буџетната воена драма The Hurt Locker освои 6 Оскари, додека филмот со најголема заработка на сите времиња (2.5 милијарди долари) Avatar освои само три.
The Hurt Locker освен што беше прогласен за најдобар филм, доби и награда за најдобар режисер, со што Кетрин Бигелоу стана првата жена во историјата која победила во оваа категорија. Останатите 4 Оскари ги освои за најдобро сценарио (напишано од новинарот Марк Боал кој поминал 4 месеци со американските војници во Ирак), филмска монтажа, тон и тонска монтажа.
Технички одлично изведениот Avatar, извојува победа токму во техничките категории, односно беше награден за специјални ефекти, камера и уметнички дизајн.
Инаку и The Hurt Locker и Avatar беа номинирани во 9 категории.
Оскарот за главна женска улога го освои Сандра Булок за The Blind Side, а за најдобра машка улога Џеф Бриџис за Crazy Heart.
Моник победи во категоријата за споредна женска улога со Precious, додека Кристофер Валц го освои Оскарот за спорфедна машка улога во Inglorious Basterds.
Наградата за најдобар странски филм и' припадна на аргетинската драма The Secret in Their Eyes.
Документарецот The Cove, кој говори за традиционалното убивање на китови во Јапонија, го освои Оскарот во категоријата најдобар документарен филм.
Во категориите најдобар анимиран филм и најдобра музика победи Up.
Oскарот за костимографија му припадна на филмот The Young Victoria, а наградата за најдобра шминка отиде кај Star Trek.
Филмот Precious, покрај Оскарот за споредна женска улога, награден e и за адаптирано сценарио.
За најдобар краток документарен филм е прогласен Music by Prudence, а Оскарот за најдобар краток анимиран филм го освои Logorama.
