Белградската полиција на градилиштето кое се наоѓа во близина до куќата на српската фолк ѕвезда Цеца Ражнатовиќ пронашла скриен 15 килограми тринитротулен,познат како ТНТ.
Експлозивот е пронајден на самата ивица на паркингот кој го користи познатата пејачка и се сомневаат дека бил наменет за неа бидејќи се наоѓал на градилиштето кое е дваесет метри оддалечено од нејзината куќа и стадионот на Црвена Ѕвезда.Бомбата со багер ја ископале работниците кои работеле на градилиштето.Да дошло до експлозија,количината од 15 килограми ТНТ, би била доволна да го сруши целиот кварт во кој Цеца живее а од детонацијата би се тресела и Маракана.
Полицијата се сомнева дека над српската пејачка бил планиран атентат,иако сеуште не успеале дефинитивно да докажат ниту кога експлозивот е оставен на градилиштето.
„Истражуваме дали експлозивот бил наменет за Светлана Ражнатовиќ која живее во близина.ТНТ е многу опасен,особено кога е во облик на кристали.По начинот на пакувањето се гледа дека го пакувале стручњаци„изјави неименуван извор за Press Online и додаде дека до сега не била пронајдена запалката со која се активира експлозивот.
По пронаоѓањето на експлозивот српските медиуми пробале да стапат во контакт со Цеца Ражњатовиќ,но таа не одговорила на повиците.
