Руд ван Нистелрој, 33-годишниот холандски фудбалер и член на мадридски Реал, добива се помалку прилики во првиот состав на „кралскиот клуб“ во последно време.
Откако што минатата сезона ја прескокна поради тешката повреда на десното колено, која го оддалечи од теренот цели 300 дена, Ван Нистелрој никако не може да го пронајде патот до првиот состав на Реал, и кај чилеанскиот тренер Пелегрини воглавно добива само неколку минути пред крајот на средбите.
Уште во текот на летниот преоден рок беа пласирани неколку информации за заминување на холанѓанецот од Реал, но шпекулациите за трансфер во Рома или Тотенхем останаа само добра новинарска подлога. Но, претпоставките сеуште траат.
Ливерпул е новиот на листата клубови кои наводно сака да го доведе во своите редови некогаш најдобриот напаѓач, а позајмицата сака да ја оствари уште во јануари идната година. Не се знае што мисли Реал за тоа, но самиот играч одамна изрази желба за заминување, бидејќи сака да игра фудбал.
