„Derbi dela Madonina“ ќе го одбележи фудбалскиот викенд, не само во Италија, туку воопшто во Европа, па и пошироко...Во 21. коло на Серија А, стадионот со 80.065 места во Милан се вика Џузепе Меаца, бидејќи домаќин е Интер. Летоска, на 29. август, во второто коло, Интер го демолираше градскиот ривал како гостин со 4:0.
Сепак, многу од тоа се промени во Италија во однос на стартот на првенството, а најмногу снагата на Милан. Росонерите се во фантастична серија, дербито со лидерот за нив доаѓа во најдобар момент, и во момент кога бодовната разлика меѓу градските ривала изнесува шест бодови во корист на Интер, но „црвено-црните“ имаат и натпревар помалку, кој мораат да го одработат во Фиренца кога за тоа ќе дојде време.
Летоска именуваниот Леонардо го поведе својот тим, со препородениот Роналдињо, во осум победи од последните девет кола! Само од 1. јануари 2010година, Миланистите ја победија Џенова со 5:2, Јувентус нагости со 3:0 и Сиена пред својте гледачи со 4:0...
Жозе Мурињо и неговите нероаѕуро тоа никако не им се допаѓа... Посебно што ни самите не се во некоја особено врвна форма. Серија од три, воглавно минимални и тешки победи, во минатото коло го прекина ремито со Бари(2:2) каде Горан Пандев за прв пат беше прогласен за играч на натпреварот со гол и изнуден пенал зад неговото име, па затоа и според пошироката јавност и според букмејкерите Интеристите тешко да дојдат до посакуваната, трета победа во низа во натпреварите со Милан, а дури шеста во последните осум натпревари.
Англичанецот Алфред Едвардс на 16. декември 1899. година го основа Милан, фудбалскиот клуб и Крикет клубот, а девет години подоцна дојде до караница и поделба во управата на Милан окулу тоа дали за клубот би требало да играат странци или не. Проблемот беше решен со основање на нов клуб, Интернационале, кој набрзо ја превзема доминацијата и беше подобар до крајот на 60-тите години.
Сепак, Милан се воздигна и го превзема италијанскиот примат во 80-тите и 90-тите, но милан по 17години пост, конечно освои титула во сезоната 2005./06., а потоа истиот успех го повторуваше секоја година до денес... Тоа доведе до израмнување по бројот на освоени титули, обата тима сега имаат по 17, а Интер нешто подобар скор во првенствените мечеви (63-52-58), и затоа неделното дерби е посебно од многу аспекти.
Кога Милан е домаќин, стадионот се вика Сан Сиро, а се викаше Џузепе Меаца на 11. мај 2001. година, кога Интер како домаќин го доживеа најубедливиот пораз во историјата на тој дуел. Беше 0:6.
И Милан трпеше торпедирања, на повеќе наврати беше 5:1 за Интер, летоска, на оној последен дуел 4:0, а најмногу голови беа постигнати на 6. ноември 1949. година, кога Интер победи со 6:5. Првото „Derbi dela Madonina“, во чест на статуата Девица Марија во центарот на МИлано, беше одиграно на 10. јануари 1910. година.
Напаѓачот на Интер, Самуел Ето, нема да игра, бидејќи се наоѓа на Ангола, на Афричкиот Куп на нации, но Мурињо претпоставуваше дека ќе дојде ваков период за неговата екипа токму во време кога камерунецот е отсатен, па затоа го обезбеди Горан Пандев, како дополнително засилување за навалниот ред, што се покажа како маестрален потег, со оглед на тоа дека Пандев и покрај полугодишното неиграње на натпревари првите натпревари за Интер ги одигра навистина на виско, завидно, ниво. Португалецот нема да може да смета ниту на повредените Кристијан Киву и Тиаго Мота, додека под знак прашалник е и настапот на недоволно опоравениот Дејан Станковиќ, како и Салеј Мунтари.
Милан ќе настапи без Александре Пато, кој повредата ја лечи во Бразил. Повредени се и Масимо Одо, Џанлука Замброта и Огучи Онуеву. Лекарите на Милан се надеваат дека до последен момент ќе можат да го оспособат Алесандро Неста за настап, што воедно е и најголема гружа на Леонардо. Дотолку Неста не би можел да игра, партнер на Тиаго Силва во центарот на одбраната ќе биде Џузепе Фавали или Каха Каладзе. Кларенс Сидорг е опоравен, но се очекува да почне од клуапта.
