Новите производи во понудата на HP се:
HP EliteBook 2740p – ултра-тенка, конвертибилна и интерактивна табла осетлива на допир со повеќе прсти, наменета за деловни субјекти од здравствениот сектор, образованието, маркетингот итн.;
HP EliteBook 2540p – најлесниот HP EliteBook ноутбук, со тежина од 1.53кг во основна верзија, е идеален за големите компании, јавниот сектор, како и останатите бизниси коишто имаат потреба од компактен ноутбук со високи перформанси; и
HP ProBook – три нови модели од стандардната (s-серија) на ноутбук компјутери со високи перформанси, со нов дизајн и префинети бои , за секојдневна употреба.
„Таблата осетлива на допир, наменета за деловните корисници, е најновиот производ во широката палета на HP, кој на најдобар начин им овозможува на деловните корисници да го унапредат своето работење, продуктивност и мобилност“ изјави Карл Снајман, потпретседател и генерален менаџер на HP Personal Systems Group, за Европа, Среден Исток и Африка (EMEA). „HP постојано ги имплементира најновите иновации за да им помогне на големите корисници, како и на средните и малите претпријатија да ги натфрлат своите планови за продуктивност.“
Ноутбук компјутерите се најновите модели во серијата производи кои HP ги претставува на пазарот за деловните корисници, и тие нудат широк избор за обновување на деловната опрема која застарува.
Моќен и лесен ноутбук компјутер за корисниците кои постојано патуваат
отсега со Интел процесори со стандарден напон, HP EliteBook 2740p tablet PC ја комбинира моќта и сигурноста на HP бизнис ноутбук компјутерите со флексибилноста на табла, заради што е идеален за корисници кои се постојано на пат. Новиот 2740p тежи 1.72кг без додатоци и има LED екран од 30.7см /12.1 инчи во дијагонала. Како опција е достапен и екран приспособен за работа на отворено, со помал отсјај и поголем контраст за лесно гледање при дневна светлина.
Екранот осетлив на допир овозможува поинтуитивно и побрзо работење, зависно од начинот на внесување на податоци. Можностите за гестови со повеќе прсти, тапкање и лизгање на прстите по екранот им овозможуваат на корисниците движење низ апликациите и менијата, односно пристап до информации и веб страници.
EliteBook 2740p се нуди во различни варијанти на батериско напојување. За што помала тежина, има 6-ќелијна литиум-јон призматична батерија која трае до 5 часови, а како опција и HP 2700 ултра-тенка батерија која овозможува работа до 11 часови, во комбинација со стандардната батерија.
Како дополнителна опција се нуди и HP 2740, ултра-тенко лежиште за проширување, на кое корисниците можат да го приклучат својот ноутбук компјутер и користат периферни уреди, без потреба нешто постојано да се прикачува и откачува. Оваа иновативно лежиште за проширување содржи и DVD+/-RW уред, го собира во актовка, со што оптичкиот уред може лесно да се пренесува. Лежиштето исто така има приклучок за надворешен монитор, како и eSATA приклучок, кој овозможува врска со екстерни RAID конфигурации на тврди дискови и оптички уреди, за брзо и лесно снимање.
HP EliteBook 2540p им нуди на деловните корисници избор од Intel® Core™ процесори со стандарден напон, за максимални перформанси, што е новина во ултра-лесните преносни компјутери на HP - или со процесори на низок напон, за зголемена флексибилност и комфорот што го овозможуваат оптички уред или втор тврд диск.
Како најлесен во палетата HP EliteBook, 2540p има LED екран од 30.7см /12.1 инчи во дијагонала, а по избор и веб камера од 2 мегапиксели со софтвер за читање на картички и HP Fingerprint Sensor.
