Информации од Крива Паланка и околината

Дамката е голема бура која трае веќе милиони, ако не и милијарди години, и која опфаќа големина колку три Земји, а во периодот од 1996 па до 2006 година, изгубила околу 15 посто од својата големина.  Во текот на тој период се смалува во просек околу километар по ден. Астрономите со години ја посматрале оваа дамка и увиделе дека се смалува, а новото истражување се фокусирало на движењето на олујата, инаку добар начин за да се измери нејзината големина.

Така е развиен софтвер со помош на кој може да се разгледува движењето и промената на дамката во текот на поголем период. И поради фактот дека научниците незаат поради што дамката се намалува, со споредување на фотографиите од Јупитер пред околу сто години и денешните, може да се забележи разликата. Некои мислат дека дамката може и потполно да исчезне: „Се работи за бура, која како и другите, има природен раст и слабеење“ - изјави Глен Ортон, научник од НАСА.

Дамката која претходно имаше облик на колбас, а сега има елиптичен облик, се претпоставува дека до 2040 година би можела да добие кружен облик. Бурата е фасцинантна појава на оваа планета. Ги поседува карактеристиките на ураган од Земјата, вклучувајќи и кружно движење и силни ветрови, а се движи со брзина од 650 km/h. За разлика од сличните појави на Земјата кои по состав се со низок притисок, дамката е со состав од висок притисок што е една причина зошто толку долго опстанува.