За ова е одговрен падот на концентрацијата, тврдат германските научници од универзитетот во Келн.
Во своето истражување, овие научници вклучиле 32 возачи со различен степен на искуство. Учесниците користеле симулатор на возење со кој возеле по зададен пат, се' додека не го запознале како оној кој го користат секојдневно. Притоа, научниците им ја мереле мозочната активност.
Во сите случаи се покажало дека возачите, независно од своето искуство, покажувале најмала концентрација и најспори реакции токму на деловите од патот кои најдобро ги познавале.
„Ситуацијата може да се спореди со автопилот кој управува со воланот“, вели Елке Гизевски од универзитетската клиника во Есен.
Ваквата ситуација може да биде особено опасна за возачите кои работат во смени и кои се возат по истите патишта рано наутро кога се и најисцрпени.
