Аspen е прв Windows Mobile уред на Sony Ericsson кој има целосна QWERTY тастатура што не е во слајдер варијанта. Телефонот спаѓа во класата на бизнис уреди и потсетува на популарната Nokia E71 или Blackberry уредите.
Димензиите на уредот се 117 x 60 x 12,45 милиметри, а дисплејот е со големина на дијагоналата од 2,4 инчи, има резолуција од 240х320 пиксели и приказ на 65.536 бои. Камерата е со резолуција од 3.2 мегапиксели.
Sony Ericsson Aspen има и вграден GPS приемник, а доаѓа со преинсталирана Google Maps апликација. Уредот има поддршка за WiFi и Bluetooth, a присутен е и 3.5 милиметарски аудио приклучок.
