Иако на пазарот сеуште не постојат мобилни телефони кои ја користат механичката енергија за создавање на електрична, ова би можело да се промени многу наскоро. За што станува збор?
Финскиот производител на мобилни телефони Nokia достави барање за патентирање на телефон кој кинетичката енергија со помош на пиезо-ефект би ја конвертирал во електрична.
На овој начин за напојување на телефонот би се користело движењето на корисникот, неговите гестикулации со телефонот, пишувањето по тастатурата и сите останати движења во внатрешноста на уредот.
Кинетичката енергија создадена од движењата на телефонот би го деформирала кристалот, кој со помош на пиезо-електричниот ефект би ја генерирал електричната енергија потреба за функционирање на мобилниот уред.
Лоша вест претставува информацијата што преку користењето на оваа технологија (засега) може да се произведат само мали количини на електрична енергија, но без разлика, батеријата сигурно ќе трае подолго од вообичаено.
Овој интересен патент на Nokia претставува чекор напред во развојот на мобилните апарати, кои можеби во не толку далечна иднина, ќе функционираат исклучиво преку користењето на кинетичка енергија.
Деталите за овој интересен патент може да се најдат на Американскиот завод за патенти.
