Новата Е - класа е првиот автомобил со дизајнерски потпис на новиот главен дизајнер Гордон Вагнер.
На прв поглед се гледа еден нов пристап но Вагнер пред се морал да калкулира со фактот кој Мерцедес традиционално го негува, а тоа е дека дизајнот не смее премногу да се разликува од неговите претходници, односно, тоа треба да го знаете во врска со овој автомобил. Токму тоа е одлика на квалитетно дизајнирани автомобили.
Треба да сметаме и дека Мерцедес сака да ја зголеми продажбата во САД, па дизајнот треба да се гледа од таа насока. Што се однесува на самите димензии има коцкест поглед, малку е проширен во сите правци, освен висината, и остана во автомобилите со голем простор. Багажен простор има околу 540 литра. Што се однесува на внатрешноста ова е уште еден автомобил во кој ќе посакате да се возите. Смирениот дизајн, изворедната пространост и квалитетни материјали се карактеристика на овој автомобил. Секако и прецизната германска изработка, по многумина најдобра кај автомобилите од поголема класа.
Што се однесува на моторот сите модели се со директно вбризгување и го задоволуваат EURO 5 стандардот. Троши и до 23 % помалку во однос на своите претходници,а тоа го потврдува и Мерцедесовата Blue Efficency и Blue - Tec Tehnology. Најслабиот мотор во понудата е четирицилиндричен дизелаш со 170 коњски сили. Неговата ознака е 220 CDI, а потоа следува и послабата верзија на 200 CDI со 136 коњски сили. 250 CDI развива 205 коњски сили, а моментално најјакиот 350 CDI располага со 231 коњски сили. Бензинците се следниве: 250 CGI со 204 коњски сили, потоа V6 во Е 350 со 272 коњски сили, и најјакиот V8 во Е 500 со 388 коњски сили. 
Од почетокот во понуда е погон на сите четиритркала, 4MATIC.
Да додадеме уште дека новата Е - класа опционално е опремена со сигурносниот систем од Ѕ - класата. Тоа се сензори кои го препознаваат заморот на возачот, потоа автомобил во мртов агол или опасност од влетување на возило од предната страна. Еден од системите ги препознава знаците и реагира со прилагодување на брзина во рамките на дозволената. Сигурност е еден од аспектите со кои новата Е - класа сака да го превземе.
За крај, Мерцедесот уште една создаде одлична лимузина и повторно по кој пат потврди дека е мајстор за својата класа. Успех? Во тоа воопшто не треба да се сомнева.
