Првиот пациент, роден 1974 година, бил примен на Клиниката на петти месецов, во тешка општа состојба и веднаш бил ставен на респоратор. Но по два дена дошло до влошување на неговата здравствена состојба и синоќа на полноќ е констатирана смрт.
Вториот починат пациент, роден 1982 година, завчеравечер бил примен во изразито тешка општа состојба, веднаш бил ставен на кислородна поддршка, но вчера нагло му се влошила состојбата и во доцните попладневните часови била констатирана смрт.
Со последните два случаја, бројот на жртви од новиот тип на грип достигна девет.
Во текот на последните 24 часа на Клиниката за инфективни болести во Скопје се хоспитализирани уште 13 нови пациенти, а на инфективното одделение во Воената болница е згрижен само еден нов пациент, со симптоми на новиот грип.
Министерството информира дека сите новопримени се во стабилна состојба, освен еден пациент, кој веднаш е ставен на континуирана поддршка со кислород.
На Клиниката во моментов се хоспитализирани вкупно 112 болни, додека во Воената болница се лекуваат 42 пациента со симптоми на грипот А(Х1Н1).
На Клиниката за детски болести во Скопје во изминатото деноноќие се хоспитализирани 15 нови пациенти и таму во моментов болнички се лекуваат 56 пациенти со симптоми на грип, на возраст од шест месеци до пет години. Сите новопримени пациенти се со полесна клиничка слика, освен две деца, кои имаат потешка форма на пневмонија.
