Информации од Крива Паланка и околината

Вакцинацијата против грипот А (H1 N1)  за жителите од општините Куманово, Крива Паланка и Кратово почна денеска. За тој регион Министерството за здравство додели 4.000 вакцини.

Претходно со вакцина против новиот грип се вакцинираа 850 лица  од ризичните групи и медицинскиот персонал.

Според епидемилогот од Центарот за јавно здравје, доктор Јадранка Стаменковска, вакцинацијата за децата од предучилишна и училишна возраст ќе се врши во Здравствениот дом, додека за возрасните лица ќе се реализира  во Центарот за јавно здравје.

На инфективното одделение  во Куманово од грип моментно се лекуваат 16 лица со потешка клиничка слика.