Граѓаните на главниот град на Франција од 2011 во своите
домаќинства ќе може да пијат газирана вода од чешма, објавија француските медиуми, а пренесе италијанската агенција ANSA. Од париското претпријатие за водостопанство Eau de Paris најавија дека пред воведувањето на газираната вода по домовите на граѓаните, на почетокот на идната година на јавните места ќе бидат поставени нови фонтани со питка вода, меѓу кои ќе се најде и првата јавна славина со газирана вода.
Во парискиот парк Бут-Шомон водостопанството на Париз ќе отвори и „куќа на водата“ во која граѓаните ќе може да се послужат со ладна питка вода, додека за литро газирана ќе треба да издвојат околу 20 центи (12 денари). Ова доаѓа неколку месеци после кампањата на Eau de Paris во која парижаните требаше да бидат убедени дека и водата од чешма е еднакво добра како и онаа која се продава по маркетите.
Превземено од www.kajgana.com
