ГРАДСКИ МУЗЕЈ
Формиран е во октомври 2006 година, како локална установа од областа на културата. Музејот е сместен во зградата Дом на АРМ, во центарот на градот. Музејот располага со постојана етнолошка поставка, библиотека, архива и едно стручно лице.
ТУРИСТИЧКИ ИНФОРМАТИВЕН ЦЕНТАР (ТИЦ)
Формиран 2007 год. како институција за создавање на поволни услови за подршка на локалниот бизнис. Вклучувајки го и Кластерот за развој на туризмот во прекуграничниот регион Туристичкиот информативен центар е сместен во зградата Дом на армијата. Во наредниот период се очекува ТИЦ заедно со Кластерот да биде носител на основните активности околу промоција на Осоговскиот регион како туристички потенцијал и подршка на развојот на туризмот во Крива Паланка.
Адреса: ул.Маршал Титo бр.134
Контакт: 031 372 140
www.krivapalanka-tourism.gov.mk
ОУ „ЈОАКИМ КРЧОВСКИ“
Во 1944/45 година отпочнала со работа првата генерација на учители која го започнала благородното дело на едукација и просвета во Крива Паланка и Кривопаланечко. ОУ „Јоаким Крчовски “ има 9 подрачни училишта и тоа во: с.Дурачка Река, с.Станци, с.Луке, с.Огут, с.Нерав, с.Пдржикоњ, с.Дубровница, с.Узем, с.Жидилово со вкупен број на ученици 1.111 распоредени во 66 паралелки.
ОУ „ИЛИНДЕН“
Основано е во 1996 год. Во состав на училиштето се и подрачните училишта во с.Конопница, Мождивњак I и Мождивњак II со вкупен број на ученици 794 распоредени во 42 паралелки.
СОУ „ЃОРЧЕ ПЕТРОВ“
Во 1960/61 година институционално се поставени темелите на највисокиот институционален образовен облик во општината. Тогаш се запишани вкупно 97 ученика. Училиштето за средно образование, како гимназија работи се до 1982 год. кога со трансформацијата продолжува да работи по новиот концепт на средно насочено образование, до 1989 год. Од учебната 1991/92 год. повторно се воведува гимназиското образование (општа и природно математичка гимназија) и стручно образование (машинска и текстилна струка). Според овој концепт гимназијата од 13.09.1993 го носи името „Ѓорче Петров“ и работи до ден денес следејќи ги новите реформски зафати за да може успешно да одговори на современите предизвици што ги носи времето.
OУД „БОРО МЕНКОВ”
Во почетокот функционира како дом за деца без родители и деца на паднати борци. Подоцна со одлука на собранието на Општина Крива Паланка во 1964 год. почнува да работи како ученички дом, сместен во неспосредна близина на гимназијата. Конечниот изглед го добива 1984 год. Моментално во него се сместени 30 ученика од Општина Крива Паланка и Ранковце и околните села. Располага со сопствена библиотека и сите други услуги што одговараат на намената.
ЈОУГД „ИВО ЛОЛА РИБАР“
Формирана е во осумдесетите години, како една група со околу 25 деца. Денеска градинката располага со три објекти и вкупно 190 деца распоредени во 3 полудневни групи, 2 групи јасли, 4 групи на деца во градинка и една комбинирана со 25 деца.
