Информации од Крива Паланка и околината

Никој во развиениот свет не троши толку време на јадење, пиење и спиење како Французите, се наведува во истражувањето на Организацијата за економска соработка и развој (OECD) објавен во понеделник во Париз. Истражувањето покажало дека Французите постари од 15 години просечно поминуваат по два саати и петнаесет минути дневно на масата или на шанкот. Тоа е скоро двојно од времето што го поминуваат Мексиканците, Канаѓаните или Американците.

Само Норвежаните успееја да се приближат на Французите и во споменатите категории заостануваат по пет минути. Французите во развиениот свет се први по спиењето. Возрасен Французин спие просечно по осум саати и петнаесетина минути или десет минути повеќе од возрасните Американци. Најмалку спијат Кореанците и Јапонците, по седум саати и педесет минути.