Дел од гордите сопственици на Samsung Wave, покрај фенси телефонот набилдан со моќниот хардвер, добија и мемориски картички опремени со вирус.
Одреден дел од купувачите на паметниот телефон Samsung S8500 Wave, освен новиот телефон со дисплеј на допир и моќен хардвер, добија и некои непожелни можности. Станува збор за вирусот Win32/Heur кој се наоѓа во облик на датотеката slmvsrv.exe на гигабајтната microSD картичка која се испорачува со уредот.
Приклучувањето на мобилниот телефон со персоналец со Windows OS автоматски го инфицира и компјутерот, под претпоставка дека корисникот нема соодветна антивирусна заштита и ја има вклучено опцијата за Auto-run.
Samsung е свесен за пропустот и ја смирува тензијата со информација дека со овој вирус е зафатена за првата испорака на телефонските уреди наменети за германскиот пазар.
